Ang Virginia Department of Housing and Community Development (DHCD) ay naglalaan ng kasalukuyang pondo ng CDBG sa maliliit na lungsod, bayan, at mga rural na county upang tumugon sa mga lokal na pangangailangan na may kaugnayan sa pagtugon sa COVID-19. Mahigpit ding sinusubaybayan ng DHCD ang pagkakaroon ng pondo para sa lahat ng mga lokalidad sa pamamagitan ng kamakailang naipasa na CARES Act (pederal na stimulus) at magpo-post ng mga karagdagang detalye kapag naging available na ang pondong ito. 

Mahigpit na sinusubaybayan ng DHCD ang pag-unlad ng COVID-19 at patuloy na sinusuri ang pangangailangang kanselahin o i-reschedule ang mga personal na pagpupulong, kaganapan, pagsasanay, atbp., kung kinakailangan. I-click dito para sa kompletong listahan ng mga na-reschedule o nakanselang kaganapan, mga update sa mga grant, at iba pang mahahalagang pagbabago.  

Maglalaan ang Virginia ng $120.5 milyong pederal na grant upang makatulong sa paglaban sa pagbabago ng klima at pagtaas ng antas ng dagat

NORFOLK--Nakipag-ugnayan si Gobernador Ralph Northam sa Alkalde ng Lungsod ng Norfolk na si Kenneth Cooper Alexander at sa mga pederal, estado, at lokal na kasosyo upang simulan ang Ohio Creek Watershed Project. Ang proyekto ay isang kolaboratibong pagsisikap upang tugunan ang mga epekto ng pagtaas ng antas ng dagat sa Hampton Roads.

Ang mga aktibidad ay nagtataguyod ng pakikilahok sa paparating na sensus, at humihikayat sa mga taga-Virginia na kumilos sa kanilang mga komunidad

RICHMOND--Inanyayahan ngayong araw ni Gobernador Ralph Northam ang mga taga-Virginia sa buong Commonwealth na lumahok sa isang linggo ng pagkilos para sa 2020 Census simula bukas hanggang sa susunod na Biyernes. Hinihikayat ng mga kaganapan sa buong linggo ang mga residente ng Virginia na matuto pa tungkol sa kung ano ang nakataya sa 2020 Census at kumilos sa kanilang mga komunidad upang makatulong na matiyak na ang Virginia ay may kumpleto at tumpak na bilang.

RICHMOND--Inilunsad ngayong araw ni Gobernador Ralph Northam ang Virginia Local Government Exchange Program, na idinisenyo upang pagdugtungin ang mga pagkakaiba sa kultura at heograpiya sa buong Virginia. Magsisimula ang pilot program sa dalawang partnership: ang Wise County at Lungsod ng Norton ay makikipagtulungan sa Lungsod ng Alexandria, at ang Lungsod ng Danville ay makikipag-ugnayan sa Loudoun County.

Ang bagong pondo ay naglalaan ng $1 milyon upang suportahan ang mga pagpapabuti sa komunidad na nagho-host ng daungan

RICHMOND--Inanunsiyo ngayong araw ni Gobernador Ralph Northam na ang mga bagong grant ng estado para sa "port host community" ay makakatulong sa industriya ng talaba ng Virginia na i-upgrade ang Menchville Marina sa Newport News, tapusin ang isang mixed-use development na pedestrian-friendly sa paligid ng Lambert's Point sa Norfolk, at muling paunlarin ang abandonadong lugar ng dating Cogentrix coal-fired power plant na itinigil na ang operasyon sa Portsmouth.

Ang pagpopondo ay susuporta sa abot-kayang bagong konstruksiyon at rehabilitasyon ng pabahay, permanenteng suportadong pabahay, at mga proyekto ng mabilis na muling pagtira

RICHMOND--Ngayong araw, inanunsiyo ni Gobernador Ralph Northam ang halos $12 milyong pondo upang dagdagan ang akses sa abot-kayang pabahay, bawasan ang kawalan ng tirahan, at magbigay ng mga permanenteng opsyon sa suportadong pabahay para sa mga taga-Virginia na may mga kapansanan sa intelektwal at pag-unlad.

$18.3 milyon sa mga grant ng Virginia Telecommunication Initiative ang iginawad upang suportahan ang 12 mga proyekto

CHARLES CITY--Inanunsiyo ngayong araw ni Gobernador Ralph Northam ang mahigit sa $18.3 milyon sa mga grant sa pamamagitan ng Virginia Telecommunication Initiative (VATI) upang suportahan ang 12 proyekto sa buong Virginia. Ang mga proyektong ito ay gumagamit ng mahigit sa $35 milyon sa lokal at pribadong pondo para sa pagtutugma at magkokonekta ng humigit-kumulang 36,000 sambahayan, kabilang ang libu-libong negosyo at mga pangunahing institusyon ng komunidad.

Inanunsiyo ngayong araw ni Gobernador Ralph Northam ang mahigit sa $5.8 milyon sa pagpopondo ng Paglago at Oportunidad para sa Virginia (GO Virginia) para sa siyam na rehiyonal na proyekto. Sinuri at inaprubahan ng Lupon ng GO Virginia ang pitong kahilingan para sa grant at sinuri at administratibong inaprubahan ng Virginia Department of Housing and Community Development (DHCD) [Kagawaran ng Pabahay at Pagpapaunlad ng Komunidad ng Virginia] ang dalawang kahilingan para sa grant. Ang mga grant na ito ay makakatulong sa pagpapalakas at pag-iba-iba ng mga rehiyonal na ekonomiya, pagbuo ng pipeline ng mga manggagawa upang suportahan ang mga target na sektor ng industriya, at paghikayat ng pakikipagtulungan sa pagitan ng mga lokal na pamahalaan, mga kasosyo sa pampublikong sektor, at pribadong industriya.

Binigyang-diin ngayong araw ni Gobernador Ralph Northam ang pag-unlad ng kanyang administrasyon sa pagpapahusay ng kalidad, pagkakaroon, at abot-kayang pabahay sa Commonwealth.