Sa kanilang pagpupulong noong Marso 18, 2019, pinagtibay ng Lupon ng Pabahay at Pagpapaunlad ng Komunidad ang mga regulasyon para sa emergency cooling sa loob ng Virginia Maintenance Code. Inaprubahan ng Gobernador ang mga regulasyong pang-emergency at ang pagbabago ay agad na magkakabisa. Ang may-katuturang probisyon ng code ay maipapatupad sa Mayo 15.
Binabago ng mga regulasyong pang-emergency ang Kabanata 6 ng Virginia Maintenance Code, Seksyon 602.4 Suplay ng pagpapalamig, upang ibaba mula80 hanggang 77 degrees Fahrenheit, ang pinakamataas na pinapayagang temperatura, kung saan may ibinibigay na pagpapalamig, sa mga multifamily residence na R-2 (ang sanggunian sa Virginia Administrative Code ay 13VAC5-63-540 B 5). Ang probisyong ito ay maipapatupad mula Mayo 15 hanggang Oktubre 1. Upang makita ang mga regulasyong pang-emergency, gamitin ang link sa ibaba:
Ang mga regulasyong pang-emergency ay epektibo sa loob ng paunang panahon na 18 buwan. Sa panahong ito, makikipagtulungan ang Lupon ng Pabahay at Pagpapaunlad ng Komunidad sa mga stakeholder upang humingi ng input at bumuo ng mga permanenteng regulasyon hinggil sa isyung ito.
Mangyaring makipag-ugnayan sa State Building Codes Office sa sbco@dhcd.virginia.gov kung mayroon kayong anumang katanungan.
Salamat sa inyong patuloy na suporta sa paggawa sa Virginia bilang isang ligtas na lugar para sa pagtatrabaho, pamumuhay, at pagnenegosyo.
Upang tingnan ang buong memo, mag-click dito.
